Mixpod


Music

Friday, February 6, 2009

Lab Kwowts


(GYT's note: these love quotes are circulating in the internet/texts and are attributed to bestselling Pinoy author Bob Ong, however, these have caused online debates as to whether he really wrote them or not)

Kung wala kang alam sa buhay ng dalawang tao o kahit pa man may alam ka sa isa sa kanila, wala ka pa rin sa tamang lugar para lagyan ng kahulugan ang mga kilos nila.

Pag pinag-aagawan ka, malamang maganda o gwapo ka. Sumama ka sa mabuti, di sa mabait. Sa marunong, di sa matalino. Sa mahal ka, di sa gusto ka.

Ang pag- ibig parang imburnal, nakakatakot mahulog, at kapag nahulog ka, it’s either by accident or talagang tanga ka.

Ang tenga kapag pinagdikit korteng puso. Extension ng puso ang tenga kaya kapag marunong kang makinig, marunong kang magmahal.

Alam mo ba kung gaano kalayo ang pagitan ng dalawang tao pag nagtalikuran na sila? Kailangan mong libutin ang buong mundo para lang makaharap ulit ang taong tinalikuran mo.

Kung dalawa ang mahal mo, piliin mo ang pangalawa, kasi hindi ka naman magmamahal ng iba kung mahal mo na talaga ang una.

Mahirap pumapel sa buhay ng isang tao, lalo na kung hindi ikaw ang bida sa script na pinili niya.

Hindi porke’t madalas mong ka-chat, kausap sa telepono, kasama sa mga lakad o ka-text ng wantusawa eh may gusto sa iyo at magkakatuluyan kayo, meron lang talagang taong sadyang friendly, sweet, flirt, malandi, pa-fall o paasa.

♥ Walang taong manhid. Hindi niya lang talaga maintindihan kung ano ang gusto mong iparating dahil ayaw mo siyang diretsuhin.

♥ Kahit ikaw ay parang bato na manhid at walang pakiramdam, mag ingat-ingat ka naman, dahil kahit ganyan ka, hindi nasasaktan, kaya mo namang makasakit.

♥ Kung hindi mo mahal ang isang tao, huwag ka nang magpakita ng motibo para mahalin ka niya...

♥ Lahat naman ng tao sumeseryoso pag tinamaan ng pagmamahal. Yun nga lang, hindi lahat matibay sa temptasyon.

♥ Gamitin ang puso para alagaan ang taong malapit sa iyo. Gamitin ang utak para alagaan ang sarili mo.


♥ Huwag mong bitawan ang bagay na hindi mo kayang makitang hawak ng iba.

♥ Huwag mong hawakan kung alam mong bibitawan mo lang.

♥ Huwag na huwag ka hahawak kapag alam mong may hawak ka na.


♥ Parang elevator lang iyan eh. Bakit mo pagsisiksikan ang sarili mo kung walang pwesto para sa iyo? Eh meron naman hagdan, ayaw mo lang pansinin.


♥ Kung maghihintay ka nang lalandi sa iyo, walang mangyayari sa buhay mo. Dapat lumandi ka din.

♥ Pag may mahal ka at ayaw sa iyo, hayaan mo. Malay mo, sa mga susunod na araw ayaw mo na din sa kanya, naunahan ka lang.


Hiwalayan na kung di ka na masaya. Walang gamot sa tanga kundi pagkukusa.

♥ Pag hindi ka mahal ng mahal mo, huwag ka magreklamo. Kasi may mga tao rin na di mo mahal pero mahal ka. Kaya quits lang.


♥ Bakit ba ayaw matulog ng mga bata sa tanghali? Alam ba nilang pag natuto silang umibig e hindi na sila makakatulog kahit gusto nila?


Hindi lungkot o takot ang mahirap sa pag-iisa kundi ang pagtanggap na sa bilyon-bilyong tao sa mundo, wala man lang nakipaglaban upang makasama ka.

♥ Kung nagmahal ka ng taong di dapat at nasaktan ka, huwag mong sisihin ang puso mo. Tumitibok lang yan para mag-supply ng dugo sa katawan mo. Ngayon, kung magaling ka sa anatomy at ang sisisihin mo naman ay ang hypothalamus mo na kumokontrol ng emotions mo, mali ka pa rin! Bakit? Utang na loob! Huwag mong isisi sa body organs mo ang mga sama ng loob mo sa buhay! Tandaan mo: magiging masaya ka lang kung matututo kang tanggapin na hindi ang puso, utak, atay o bituka mo ang may kasalanan sa lahat ng nangyari sayo, kundi IKAW mismo!

No comments:

There was an error in this gadget